Як адзначыла начальнік аддзела маркетынгу і збыту «Магілёўзелянбуд» Аксана Саўчанка, у абласным цэнтры прапануюць шырокі асартымент свежых кветак — як айчынных, так і імпартных. Па традыцыі вялікім попытам заўсёды карыстаюцца цюльпаны, аднак ружы таксама папулярныя. «А вось па колеравай гаме людзі выбіраюць абсалютна розныя. Асаблівай папулярнасцю карыстаюцца махрыстыя цюльпаны. Таму мы іх таксама закупілі — арыентуемся на пакупніка», — расказала яна.

Да свята закуплена 1 тыс. ружы беларускай. Іх кошт складзе ад 6 да 8 бел. руб. за адну кветку. Імпартных руж нарыхтавана прыкладна 5 тыс. — кошт вар’іруецца ад 4 да 10 бел. руб. Цэны захаваны на ўзроўні мінулага года.

Цюльпанаў нарыхтавана 7 тыс. штук, цана — каля 5 бел. руб. Закупілі таксама амаль 700 штук хрызантэм, кошт — ад 10 да 14 бел. руб. Прапануюць на выбар кветкі і іншых відаў. Сярод іх — гербера, мімоза, куставая эустома і інш. Будзе прадстаўлены і шырокі выбар гаршковых раслін: азалія, цыкламены, архідэі, фікусы, фіялкі, пеларгонія.

Як адзначылі на прадпрыемстве, вясна ў іх пачынаецца яшчэ ў лютым, бо да 8 Сакавіка падрыхтоўка пачынаецца загадзя: заяўкі на некаторыя віды кветак робяць нават у студзені, каб жанчыны сустрэлі свята ярка і з добрым настроем.