Любоў да роднай зямлі, да культурнай спадчыны беларускага народа, да роднай мовы і літаратуры — усё гэта не ўзнікае само па сабе, а выхоўваецца. Значнае месца ў гэтым належыць кнігам. Каб зацікавіць дзяцей беларускай літаратурай, а таксама далучыць іх да беларускай культуры ўжо некалькі месяцаў у філіяле «Міхалішкаўская сельская бібліятэка» дзейнічае праект «Да роднай мовы крок зрабі».
На гэты раз дакрануцца да крыніц беларускай літаратуры і адчуць смак роднай мовы дапамагло літаратурнае падарожжа «Беларусь літаратурная».
Юныя ўдзельнікі мерапрыемства знаёміліся з творчасцю беларускіх пісьменнікаў, пашыралі свае веды пра культурную спадчыну нашай краіны, абмяркоўвалі традыцыйныя сімвалы Беларусі і іх значэнне, прымалі ўдзел у інтэлектуальных заданнях. З вуснаў кожнага гучала жывое беларускае слова. З мэтай папулярызацыі творчасці беларускіх пісьменнікаў увазе дзяцей была прадстаўлена бібліятэчная выстава «Беларусь літаратурная».
Вольга ЗАЯНЧКОЎСКАЯ
