«Сёння вялікае для нашай краіны свята — Дзень Перамогі. Наша краіна страціла кожнага трэцяга жыхара ў гэтай страшнай бядзе. 81 год прайшоў з моманту Перамогі, але кожны беларус захоўвае памяць аб тых падзеях і ўсё робіць для таго, каб перадаць памяць пакаленняў моладзі, для таго, каб мы ўсе ведалі і разумелі, што адбылося, наколькі гэта была страшная трагедыя», — сказаў Юрый Сянько.

Ён адзначыў тое, што са свайго боку прафсаюзы робяць усё для таго, каб помнікі, якія сёння ёсць на тэрыторыі нашай краіны, былі пад асаблівай увагай. «Мы падключаем моладзь, якая працуе ў калектывах, падрастаючае пакаленне школьнікаў, каб удзельнічалі ў навядзенні парадку, аднаўленні помнікаў. Выконваецца вялікая работа, і вельмі прыемна бачыць, калі маладыя людзі, якія папрацавалі на месцы знаходжання такога помніка, вельмі ўважліва слухаюць расказы пра тыя страшныя падзеі. Яны гэта запамінаюць. Хочацца павіншаваць усіх беларусаў з гэтым важным святам, пажадаць усім мірнага неба. Нашы дзяды, прадзеды заваявалі гэту Перамогу, а наша задача — яе захаваць», — рэзюмаваў старшыня Федэрацыі прафсаюзаў Беларусі.