Тэмпература паверхні Сусветнага акіяна ў маі дасягнула другога па велічыні значэння за ўсю гісторыю назіранняў. Пра гэта паведамляе ТАСС са спасылкай на дадзеныя еўрапейскай Службы па змене клімату «Капернік».

«Сярэдняя тэмпература паверхні мораў у свеце ў маі 2025 склала 20,79 градусаў, што ўсяго на 0,14 градуса менш за рэкордную тэмпературу, якая была зафіксавана ў маі 2024 года», — адзначылі спецыялісты.

Высокую тэмпературу паверхні сусветнага акіяна вучоныя тлумачаць тым, што ён паглынае 25-30% выкідаў вуглякіслага газу ў атмасферы і каля 90% лішкаў цяпла. Як лічаць кліматолагі, дзякуючы гэтаму Сусветны акіян застаецца галоўным прыродным тормазам глабальнага пацяплення. Аднак вучоныя баяцца, што гэта можа выклікаць кардынальныя перабудовы ў экасістэмах мораў. У прыватнасці, пацяпленне і закісленне вод Сусветнага акіяна перашкаджае каралавым паліпам захопліваць іёны кальцыя і вугальнай кіслаты, што можа прывесці да разбурэння каралавых рыфаў. Кліматолагі таксама асцерагаюцца, што гэтыя працэсы могуць паскорыць размнажэнне аднаклетачных водараслей, а значыць, рэзка пагоршыць забеспячэнне кіслародам астатняга насельніцтва мораў.