У гэтым годзе творчае спаборніцтва сабрала вакалістаў ва ўзросце ад 18 да 45 гадоў, і пасля строгага адбору ў вырашальны этап выйшлі 35 салістаў і вакальных калектываў з Расіі, Беларусі і Арменіі. Вышэйшую ўзнагароду — гран-пры — падзялілі тры яркія выканаўцы: Вікторыя Шчарбакова з Маскоўскай вобласці, Дар’я Сманцар з Рэспублікі Беларусь і Анастасія Іванова з Данецкай Народнай Рэспублікі.

Праект рэалізуецца Распатрыятцэнтрам Расмоладзі ў рамках федэральнага праекта «Мы вместе» нацыянальнага праекта «Молодежь и дети», а суарганізатарамі фестывалю-конкурсу ў 2026 годзе выступаюць Культурны фонд Льва Лешчанкі, Агульнарасійская грамадская арганізацыя «Российский Союз Молодежи» і ГА «Беларускі рэспубліканскі саюз моладзі».

У гэтым годзе фестываль прымеркаваны да 85-годдзя пачатку Вялікай Айчыннай вайны, у сувязі з чым праграма ўключала не толькі конкурсныя выступленні, але і памятныя мерапрыемствы. Як паведамляюць арганізатары, фіналісты прынялі ўдзел у цырымоніі ўскладання кветак на Паклоннай гары, а таксама наведалі ветэранаў Вялікай Айчыннай вайны.

У фінале ўдзельнікі спаборнічалі ў дзвюх намінацыях: «Песні ваенных гадоў аб Вялікай Айчыннай вайне» і «Песні аб Спецыяльнай ваеннай аперацыі», а кульмінацыяй вечара стала сумеснае выкананне песні «День Победы» разам са старшынёй журы, народным артыстам РСФСР Львом Лешчанкам. 

«Кожны ўдзельнік „Салдацкага канверта“ — ужо пераможца, бо сваёй творчасцю ён робіць унёсак у важную патрыятычную місію. Музыка заўсёды была і застаецца непарушным сувязным звяном, якое аб’ядноўвае пакаленні. У часы Вялікай Айчыннай вайны яна паднімала баявы дух салдат, а сёння гэтак жа падтрымлівае нашых хлопцаў на перадавой. Мы працягнем пашыраць геаграфію нашага конкурсу і прыцягваць таленавітых выканаўцаў з Расіі і краін СНД, каб гэтая жывая традыцыя патрыятычнай песні жыла і мацнела з кожным новым удзельнікам», — адзначыла кіраўнік Распатрыятцэнтра Расмоладзі Алена Белікава.

Аміна НАЗАРАВА

Фота з архіву БРСМ