«У гэтым годзе прыкладна на 50 спецыяльнасцей мы скарацілі тэрмін да трох гадоў навучання на завочнай форме. 8,2 тыс. выпускнікоў каледжаў у гэтым годзе змогуць паступіць на дадзеную траекторыю і атрымаць адукацыю вышэйшую ў скарочанай форме. Але таксама застаецца магчымасць у рабят, якія заканчваюць каледжы, паступіць і на завочны поўны тэрмін навучання. Тут трэба таксама некалькі развеяць міф або недастатковае разуменне ў нашых выпускнікоў каледжаў, што яны канкуруюць пры паступленні на завочную форму з выпускнікамі школ, якія актыўна вывучалі навучальныя прадметы, здалі цэнтралізаваныя экзамены (ЦЭ), цэнтралізаванае тэсціраванне (ЦТ). З мінулага года ў нас ужо ўведзена такая практыка: каб паступіць на завочную форму атрымання адукацыі, неабходна або мець стаж 10 месяцаў па выбраным профілі, чаго выпускнік школы не можа мець фізічна, або трэба мець спецыяльнасць профільную з каледжа, якая дае магчымасць паступаць у ВНУ», — растлумачыў Сяргей Пішчоў.

Завочная форма з мінулага года ў пераважнай большасці прызначана для дзяцей, якія заканчваюць каледж, падкрэсліў ён. Пры гэтым выпускнікам каледжаў, якія не змогуць паступіць на скарочаную форму, не варта адчайвацца. «Інфармацыйную работу мы праводзілі і рэкамендавалі ім у тым ліку зарэгістравацца на ЦЭ і ЦТ, каб мець магчымасць паступіць у ВНУ на поўны тэрмін навучання», — сказаў начальнік галоўнага ўпраўлення.