Тэлефонная размова двух прэзідэнтаў сведчыць аб узрастаючай цікавасці да нармальных кантактаў і камунікацыі, якая адсутнічала некалькі гадоў, заявіў у эфіры тэлеканала «Першы інфармацыйны» намеснік міністра замежных спраў Беларусі Ігар СЯКРЭТА. 

— Такія размовы не адбываюцца проста так. Безумоўна, гэта ўзрастаючая цікавасць да ролі і месца Беларусі ў Еўропе. Гэта патрэба ў дыялогу, якая праяўляецца такім чынам.
Па яго словах, адбылася даволі працяглая размова лідараў дзвюх краін. 

Ігар Сякрэта таксама адзначыў, што фарматаў для адносін ёсць шмат, і калі размаўляюць лідары дзяржаў, гэта абсалютна нармальная рэч. 

— Гэта сведчыць аб тым, што ёсць інтарэс, ёсць пытанні, якія трэба абмеркаваць. Потым даюцца, зразумела, даручэнні міністэрствам замежных спраў, іншым ведамствам і органам, якія ўзаемадзейнічаюць паміж сабой. 

Намеснік міністра замежных спраў выказаў упэўненасць, што такіх кантактаў будзе больш: і па дыпламатычнай лініі, і па лініі іншых ведамстваў. 

— Думаю, нас чакаюць дастаткова цікавыя дыскусіі. Ёсць што абмеркаваць. Мы да гэтага гатовы. Гэта — галоўнае. У нас вялікі спектр пытанняў, якія былі пастаўлены на паўзу або на якія нашы партнёры пакуль не адказвалі. Мы — за дыялог, — рэзюмаваў Ігар Сякрэта.