«Пасля майго паста 20-дзённай даўнасці карыстальнікі даслалі нам сотні паведамленняў аб махлярстве і шантажы. Грунтуючыся на гэтых паведамленнях, мы блакіруем шматлікія каналы для доксінгу (публікацыя асабістай інфармацыі пра чалавека без яго згоды з мэтай цкавання, шантажу або атрымання выгады. — Заўв. БелТА) і вымагальніцтва», — сказаў Дураў.

Паводле яго слоў, блакіраванне па такой прычыне азначае: у месенджара ёсць неабвержныя доказы, што адміністратары каналаў публікавалі інфармацыю, якая дыскрэдытуе, а затым выдалялі яе ў абмен на аплату ад ахвяр. Некаторыя адміністратары былі злоўлены на продажы «ахоўных блокаў» — платы за тое, каб інфармацыю пра ахвяру не распаўсюджвалі.

«Telegram — не месца для доксінгу або шантажу. І тым, хто вядзе падобныя каналы: не марнуйце свой час на стварэнне клонаў — мы вас знойдзем», — дадаў Дураў.