Беларускія аматары спорту змогуць убачыць чвэрцьфінальны паядынак чэмпіянату свету па пляжным футболе паміж зборнымі Беларусі і Ірана, паведамляе БелТА.

Прамая трансляцыя са сталіцы Сейшэльскіх астравоў Вікторыі пачнецца ў 14.00 на тэлеканале СТВ. Пераможца сустрэчы беларусаў і іранцаў сустрэнецца ў паўфінале з пераможцам пары Італія — ​​Сенегал. У іншых матчах 1/4 фіналу сёння згуляюць Партугалія — ​​Японія, Бразілія — ​​Іспанія.

Паўфінальныя сустрэчы пройдуць 10 мая, а вырашальны паядынак за чэмпіёнскі тытул і матч за бронзу адбудуцца 11 мая.