Як раней паведаміў Нацыянальны статыстычны камітэт, у студзені — ліпені ВУП вырас на 2, 1% — гэта на 0, 6 працэнтнага пункта больш, чым месяцам раней. 

«Эфектыўная работа працаўнікоў вёскі вывела сельскую гаспадарку ў лідары: па выніках сямі месяцаў тэмп вытворчасці прадукцыі склаў 112,9 працэнта», — адзначылі ў Мінэканомікі. 

Што датычыцца дынамікі ў IT-сферы, тэмп росту валавой дабаўленай вартасці — 104,9 працэнта. 

У транспартнай галіне ўстойліва прыбаўляе пасажыраабарот — плюс 7,3 працэнта, павялічыўся і грузаабарот — на 1,9 працэнта. 

Па выніках студзеня — ліпеня станоўчы ўклад у ВУП унесла прамысловасць: тэмп прамвытворчасці склаў 100,1 працэнта, а ў чыстым ліпені тэмп 104,9 працэнта. Пры гэтым шэраг галін (вытворчасць транспартных сродкаў, фармацэўтыка, хімічная і харчовая прамысловасць) дэманструюць больш высокую дынаміку. 

У будаўніцтве індэкс валавой дабаўленай вартасці вырас да 102,2 працэнта. За сем месяцаў уведзена ў эксплуатацыю больш за 1,8 млн. кв.м жылля, у тым ліку з дзяржпадтрымкай — 253,6 тыс. кв.м. 

Рознічны тавараабарот за студзень — ліпень павялічыўся на 8,1 працэнта, чаму садзейнічаў рост рэальных даходаў насельніцтва: па выніках першага паўгоддзя — на 8 працэнтаў. 

Упэўнена растуць інвестыцыі ў асноўны капітал — плюс 4%. Прадпрыемствы працягваюць нарошчваць выдаткі на сваё тэхналагічнае абнаўленне і набыццё абсталявання. 

Экспарт тавараў і паслуг у студзені — чэрвені 2026 года (па метадалогіі плацежнага балансу) на 14,4 працэнта вышэйшы за ўзровень аналагічнага перыяду мінулага года. Асноўны драйвер — паслугі: у студзені — чэрвені 2026 года рост на 27%. Як вынік, экспарт перавысіў імпарт, сальда сфарміравалася дадатным. 

«Устойлівая праца эканомікі дазволіла забяспечыць высокі ўзровень зарплаты — у першым паўгоддзі каля 2925 рублёў. Сярэдні памер пенсіі па ўзросце перавысіў 1057 рублёў», — дадалі ў Мінэканомікі.