Адным з важнейшых пытанняў, якія вырашаюцца ў дарожнай галіне, з’яўляецца вызначэнне астаткавага рэсурсу канструкцыі дарожнага «адзення», адзначыў Сяргей Кабак. Паводле яго слоў, гэта дае магчымасць ажыццяўляць рамонт не ўсляпую, а з эканамічным абгрунтаваннем параметраў будучай канструкцыі.

«Цяпер ужо дастаткова шырока прымяняецца методыка вызначэння ўстойлівасці да каляінаўтварэння. Мы прагназуем, што будзе з асфальтабетонным пакрыццём праз пэўную колькасць праездаў кола. Мы можам сказаць, што пры выкарыстанні канкрэтнай сумесі праз, напрыклад, 20 тыс. праездаў каляіны не будзе або яна будзе пэўнай глыбіні. Таму падбор саставаў сумесей цяпер выйшаў на зусім іншы ўзровень», — растлумачыў ён.

Спецыяліст удакладніў, што ў лабараторыях «БелдарНДІ» ў Мінску праводзіцца адпаведнае тэсціраванне: на ўзор асфальтабетону механічна ўздзейнічае кола, якое імітуе аўтамабільнае, прымусова ствараючы нагрузку на пакрыццё зададзеную колькасць разоў.