Будаўніцтва жылля ў Мінску плануецца скараціць. Новае жыллё ў сталіцы будзе ўзводзіцца ў першую чаргу для маючых патрэбу ў паляпшэнні жыллёвых умоў. Пра гэта заявіў журналістам старшыня Мінскага гарвыканкама Уладзімір Кухараў паводле вынікаў даклада Прэзідэнту Беларусі Аляксандру Лукашэнку, паведамляе БелТА.
Асобнай тэмай даклада кіраўніку дзяржавы стаў стан спраў у будаўнічым комплексе Мінска. «Летась ён спрацаваў нядрэнна. Сёлета стаяць сур’ёзныя задачы», — сказаў старшыня Мінгарвыканкама.
У ліку такіх задач — асваенне новай тэрыторыі і будаўніцтва мікрараёна Зялёны Бор. «Вялікая тэрыторыя, якая будзе асвойвацца, будзе будавацца жыллё для маючых патрэбу, больш за 4 млн кв. м. Мы прыступаем сёлета да засваення гэтых тэрыторый», — растлумачыў Уладзімір Кухараў.
Паводле яго слоў, Прэзідэнту таксама было даложана аб выкананні даручэнняў, якія датычацца будаўніцтва жылля. «Мы будзем працаваць па скарачэнні будаўніцтва жылля. Толькі для тых, хто мае патрэбу. Таму што горад ужо практычна забудаваны. Мы павінны зрабіць усё для таго, каб было камфортным пражыванне жыхароў у горадзе Мінску», — падкрэсліў старшыня Мінгарвыканкама.
