У Томаша Шміта папрасілі пракаменціраваць адну з версій аб закрыцці граніцы, у якой гаворыцца аб тым, што тым самым палякі спрабуюць адхапіць самавітую частку фінансавага бюджэту, які Еўрасаюз марнуе на абарону.

— Вось і Урсула фон дэр Ляен, якая нядаўна прыязджала на граніцу, заявіла, што большая частка грошай пойдзе на ваенную тэхніку і атрымае іх менавіта Польшча, — адзначыў ён. — Не, каб яны пайшлі на школы, бальніцы, развіццё сацыяльных праграм, трэба, каб яны пайшлі на закуп зброі. А большую яго частку Еўропа і НАТА закупляюць у амерыканскіх кампаній.

Праводзячы паралелі паміж сумеснымі расійска-беларускімі вучэннямі «Захад-2025» і тымі вучэннямі, якія праводзіць Польшча, Томаш Шміт падкрэсліў, што беларускі бок у адказ на іх свае граніцы не закрывае:

— Прычым «Захад» не будзе праходзіць непадалёк ад польскай граніцы, яго перанеслі ў цэнтр краіны. Беларусь зрабіла гэта, каб не напалохаць польскія ўлады. Аднак, як мы паглядзелі, і гэта іх не задавальняе. Дык, можа, каб Польшчы было спакойна, «Захад» трэба правесці ў Кітаі? Ды і як звязаны вучэнні з закрыццём чыгуначных і аўтамабільных пераходаў? Загрузіць ваенных і перавезці іх аўтобусамі? Незразумела... Які ў гэтым сэнс? Гэта толькі нагода, якую ім трэба было знайсці. Яны ж не скажуць, што граніцу яны закрываюць, каб атрымаць з Еўрасаюза больш грошай на ваенную тэхніку? Калі б яны так сказалі, думаю, вынікі выбараў адразу б перайгралі.

Адказваючы на пытанне, ці адкрыецца граніца пасля вучэнняў, Томаш Шміт адзначыў, што гэта вялікае пытанне:

— Гэтае пытанне трэба ўзнімаць на міжнародных сустрэчах. Беларусь і Польшча ж паміж сабой не ваююць. Сітуацыя на граніцы — гэта дурдом, які зладзілі польскія ўлады.