Унутры на стэндзе прадстаўлены трактар BELARUS-1222.3 з імітацыяй пуску. «Гэта электронная сістэма. Наведвальнік можа націснуць кнопку на тумбачцы — чуецца гук запуску, і з выхлапной трубы ідзе дым. Гэта з цікавасцю ўспрымаецца наведвальнікамі», — адзначыў Васіль Гнедчык. 

На вуліцы таксама прадэманстравана лінейка трактароў. BELARUS 82.3 — мадэрнізаваны трактар магутнасцю 81 к. с. Акрамя таго, прадстаўлены трактар BELARUS-1523 магутнасцю 150 к. с. з агрэгатам «Бабруйскаграмаша».

Таксама прадстаўлены гусенічны трактар BELARUS-2303. Яго магутнасць складае 210 к. с. «На ім устаноўлены гумовыя арміраваныя гусеніцы, дзякуючы якім ён можа рухацца не толькі ў полі, але і па дарогах агульнага карыстання. Не патрабуецца спецыяльных выдаткаў для дастаўкі трактара з аднаго ўчастка на іншы», — растлумачыў вядучы спецыяліст. 

Акрамя таго, наведвальнікі могуць убачыць самы новы трактар — доследную мадэль BELARUS-54.25 магутнасцю 540 к. с. «Гэта першы ўзор, які праходзіць выпрабаванні. У ім — рухавік кітайскай вытворчасці, гідрамеханічная каробка, усе органы кіравання — у выглядзе кнопак і джойсцікаў. У кабіне забяспечаны максімальны камфорт для механізатара», — расказаў Віталь Гнедчык. 

Ён адзначыў, што на «ІНАПРАМ. Беларусь» плануюцца перагаворы кіраўніцтва Мінскага трактарнага завода з рознымі арганізацыямі і прадстаўнікамі, у асноўным Расіі, а таксама з беларускімі партнёрамі, пастаўшчыкамі і спажыўцамі прадукцыі.