Паводле папярэдняй інфармацыі, сёння каля 08:20 22-гадовая вадзіцель тралейбуса, рухаючыся па з’ездзе з праспекта Незалежнасці на вуліцу Русіянава, пры павароце налева ў выніку невыканання бакавога інтэрвалу сутыкнулася з аўтамабілем Geely, які спыніўся на забараняльны сігнал святлафора.

У выніку ДТЗ ніхто не пацярпеў, транспартныя сродкі атрымалі механічныя пашкоджанні. На месцы здарэння працавалі супрацоўнікі аддзела ДАІ Першамайскага РУУС г. Мінска.

Дзяржаўтаінспекцыя нагадвае, што вадзіцель абавязаны выконваць неабходны бакавы інтэрвал, які забяспечвае бяспеку дарожнага руху з транспартнымі сродкамі або ўдзельнікамі дарожнага руху, што стаяць або рухаюцца па дарозе, а таксама з тэхнічнымі сродкамі арганізацыі дарожнага руху і іншымі аб’ектамі.

Фота з адкрытых крыніц