Індэкс амерыканскай валюты страціў амаль дзевяць працэнтаў у перыяд з 20 студзеня па 25 красавіка. Гэта найгоршы паказчык за першыя сто дзён прэзідэнцтва за 52 гады, з часоў Рычарда Ніксана, калі Злучаныя Штаты адмовіліся ад залатога стандарту і перайшлі на свабодны абменны курс.

Выданне адзначае, што апошнія дзесяцігоддзі першыя сто дзён новага лідара ЗША звычайна суправаджаліся ўмацаваннем долара. З 1973 па 2021 гады яго сярэдняя даходнасць складала каля 0,9 працэнта.

Гандлёвая вайна, развязаная Трампам, заахвоціла інвестараў укладвацца ў актывы за межамі краіны, што садзейнічала паслабленню долара, умацаванню іншых валют і падаражання золата. Еўра, швейцарскі франк і японская іена дадалі больш за восем працэнтаў у адносінах да долара.

Палітычныя ініцыятывы Трамп таксама павялічылі рызыку рэцэсіі ў ЗША у спалучэнні з паўторным паскарэннем інфляцыі, абмежаваўшы маштабы патэнцыйнага зніжэння працэнтных ставак Федэральнай рэзервовай сістэмай, адзначае выданне.

Аўтарытэтныя выданні ў сярэдзіне красавіка паведамлялі, што палітыка прэзідэнта ЗША напалохала сусветных інвестараў, якія сталі сыходзіць з доларавых актываў. У прыватнасці, цытаваліся дадзеныя Investing.com, паводле якіх 14 красавіка індэкс DXY (курс долара адносна шасці вядучых сусветных валют) зніжаўся амаль на працэнт, да 99,21 пункта. Такім чынам аказаліся амаль дасягнуты мінімальныя значэнні з пачатку красавіка 2022 года.