«Санкцыі, якія яны ўводзяць, недастаткова жорсткія. Я гатовы ўвесці санкцыі, але яны павінны ўзмацніць жорсткасць сваіх санкцый, каб тыя адпавядалі маім дзеянням», — сказаў амерыканскі лідэр.

«Не варта чакаць ад нас, што мы будзем дзейнічаць на поўную, а Еўропа будзе купляць у Расіі нафту», — дадаў ён.

Раней Трамп заявіў, што гатовы ўвесці жорсткія санкцыі ў дачыненні да Расіі, калі ўсе члены НАТА будуць дзейнічаць разам і спыняць закупляць у яе нафту. Таксама ён заклікаў краіны Паўночнаатлантычнага альянсу ўвесці імпартныя пошліны супраць Кітая ў памеры 50-100%. Па словах Трампа, гэта дапаможа пакласці канец украінскаму крызісу, пасля чаго тарыфы могуць быць адмененыя.