Пасля ўдараў па Каракасе Трамп у сацыяльнай сетцы Truth Social напісаў: «Злучаныя Штаты Амерыкі паспяхова правялі буйнамаштабную аперацыю супраць Венесуэлы і яе лідара — прэзідэнта Нікаласа Мадуры, які разам са сваёй жонкай быў затрыманы і вывезены за межы краіны. Гэтая аперацыя была праведзена сумесна з праваахоўнымі органамі ЗША. Падрабязнасці будуць паведамлены пазней. Прэс-канферэнцыя адбудзецца 3 студзеня ў 11:00 (па мясцовым часе. — Заўв. БелТА) у Мар-а-Лага». 

Цяпер Дональд Трамп знаходзіцца ў Фларыдзе, куды ён з’ехаў на калядныя вакацыі. Чакаецца, што ён вернецца ў Вашынгтон у нядзелю.