Чакаецца, што ён скажа назву, якая адпавядае даўнім перавагам арабскіх краін рэгіёну — «Аравійскі заліў», паведамляе агенцтва Associated Press.

Рашэнне, па дадзеных крыніц агенцтва, упісваецца ў шырэйшую стратэгію Трампа па збліжэнні з арабскімі дзяржавамі Персідскага заліва, накіраваную на ўмацаванне эканамічных сувязяў і атрыманне падтрымкі ў супрацьстаянні з Іранам, у тым ліку ў пытаннях, звязаных з яго ядзернай праграмай.

Такі крок ужо зняў напружанасць у міжнароднай палітыцы. Іран рэзка асудзіў любыя спробы адмовіцца ад гістарычнай назвы «Персідскі заліў», звязваючы яго са шматвяковай гісторыяй Персідскай імперыі. Прадстаўнікі МЗС Ірана назвалі альтэрнатыўныя фармулёўкі «фальсіфікацыяй гісторыі».

• У 2011 годзе падчас выступу на Генеральнай Асамблеі ААН прэзідэнт Ірана заявіў, што «адзіная законная назва — Персідскі заліў», і запатрабаваў ад міжнародных арганізацый не дапускаць зменаў.

• Спрэчкі аб назве Персідскага заліва працягваюцца ўжо дзесяцігоддзі. Арабскія краіны рэгіёну аддаюць перавагу назве «Аравійскі заліў», у той час як міжнародныя арганізацыі, уключаючы ААН і ЮНЕСКА, прытрымліваюцца фармулёўкі «Персідскі заліў».

Раней Трамп таксама заяўляў, у прыватнасці, аб намеры перайменаваць Мексіканскі заліў у заліў Амерыка.