Прэзідэнт ЗША Дональд Трамп заявіў аб экалагічнай катастрофе ў амерыканскім сталічным рэгіёне з-за траплення каласальных аб’ёмаў сцёкавых вод у раку Патамак, перадае БелТА.
«У рацэ Патамак адбываецца маштабная экалагічная катастрофа», — напісаў Трамп. Асноўную віну за тое, што здарылася, ён усклаў на кіраўніцтва штата Мэрыленд, які мяжуе з Вашынгтонам. Па словах амерыканскага прэзідэнта, прарыў каналізацыйных сетак на тэрыторыі штата прывёў да некантраляванага скіду адходаў у акваторыю ракі.
Амерыканскі лідар падкрэсліў, што не можа дапусціць ператварэння галоўнай воднай артэрыі Вашынгтона ў зону адчужэння з-за некампетэнтнасці мясцовых чыноўнікаў. У сувязі з гэтым ён аб'явіў аб сваім распараджэнні перадаць каардынацыю мер і правядзенне ачышчальных работ пад кантроль федэральных службаў.
