Прэзідэнт ЗША Дональд Трамп не абумоўлівае перагаворы з Прэзідэнтам Расіі Уладзімірам Пуціным яго сустрэчай з Уладзімірам Зяленскім. Амерыканскі лідар пацвердзіў гэта ў гутарцы з журналістамі ў Авальным кабінеце Белага дома. Пра гэта паведамляе ТАСС.
Трамп адмоўна адказаў на пытанне аб тым, ці павінен Пуцін, на яго думку, сустрэцца з Зяленскім, каб маглі адбыцца вочныя перагаворы расійскага і амерыканскага кіраўнікоў. «Не, ён не павінен», — заявіў Трамп, маючы на ўвазе Уладзіміра Пуціна.
«Яны хочуць сустрэцца са мной», — дадаў Трамп, паабяцаўшы, што «зробіць усё магчымае» для спынення канфлікту.
