Папулярны трэнд «бэжавых мам», прыхільнікі якога мінімізуюць яркія колеры, можа негатыўна адбіцца на развіцці колераўспрымання, звязанага з фарміраваннем у дзіцяці маўлення і мыслення, перадае РІА «Новости» са спасылкай на Мінасветы РФ.

Немаўляты з 20 дня жыцця пачынаюць адрозніваць базавыя колеры, а ўстойлівыя катэгорыі фарміруюцца паралельна з маўленнем і кагнітыўнымі працэсамі. Дзеці, якія знаёміліся з аб’ектамі праз чорна-белыя выявы, часта ствараюць скажоныя ўяўленні аб рэальных адценнях, што падкрэслівае важнасць дакладнай колераперадачы ў навучальных матэрыялах.

Паведамляецца, што ў 2020-х гадах распаўсюдзілася з’ява «бэжавых мам», прыхільнікі якой мінімізуюць яркія колеры, асцерагаючыся перагрузкі нервовай сістэмы. З аднаго боку, гэта супярэчыць неабходнасці развіцця колераўспрымання, цесна звязанага з маўленнем і мысленнем.

З іншага боку, сёння назіраецца перанасычэнне штучнымі адценнямі, якія правакуюць раздражненне і зніжэнне канцэнтрацыі. У адукацыйным ведамстве падкрэсліваюць, што празмерная стымуляцыя яркімі колерамі супярэчыць прынцыпам сэнсарнага выхавання, дзе колер павінен структурыраваць свет, а не выклікаць «візуальны ўдар».