«Натоўп апладыраваў, калі працэсія рухалася па плошчы Святога Пятра», — адзначае BBC.

Шэсце доўжылася крыху менш за 40 хвілін, за гэты час цела перанеслі з Каса-Санта-Марта, дзе Францішак памёр 21 красавіка, праз плошчу Святога Пятра.

Кардыналы і іншыя прадстаўнікі духавенства, якія прысутнічалі на кароткай службе, аддаюць даніну павагі нябожчыку пантыфіку, перш чым базіліка будзе адкрыта для публікі.

Труна Папы Францыска транслюецца на гіганцкіх экранах, усталяваных вакол плошчы Святога Пятра.

У Рым з’язджаюцца тыя, хто хоча развітацца з пантыфікам. З 23 красавіка і да пахавання цела Папы будзе выстаўлена для развітання ў знакамітым саборы Святога Пятра ў Ватыкане на перыяд грамадскай жалобы.

У італьянскай сталіцы значна павышаны меры бяспекі. Пад асаблівы кантроль узята плошча Святога Пятра, транспартныя вузлы. У небе аб’яўлены рэжым беспалётнай зоны, задзейнічана сістэма перахопу БПЛА.