Сёння на 14-м кіламетры аўтадарогі Р75 Клімавічы — Касцюковічы — граніца Расійскай Федэрацыі 35-гадовая кіроўца Peugeot, па папярэдняй інфармацыі, пры выездзе з другараднай дарогі не дала перавагу і здзейсніла сутыкненне з аўтамабілем такой жа маркі, які рухаўся па галоўнай, за рулём якога знаходзіўся 38-гадовы мужчына.

У выніку пацярпелі абое аўтамабілісты і 23-гадовая пасажырка другога аўто. Па гэтым факце праводзіцца праверка, абставіны і прычыны здарэння высвятляюцца.

  

Дзяржаўтаінспекцыя звяртае ўвагу на няўхільнае выкананне ПДР і нагадвае: на скрыжаванні нераўназначных дарог кіроўца транспартнага сродку, які рухаецца па другараднай дарозе, павінен саступіць дарогу транспарту, які набліжаецца да яго па галоўнай, незалежна ад напрамку іх далейшага руху.