Ратавальнікі спусцілі ў аўторак целы двух альпіністаў, якія загінулі ў гарах Кыргызстана, яны дастаўлены ў высакагорнае сяло Сары-Таш у Ошскай вобласці, паведаміў кіраўнік пошукава-выратавальнай аперацыі Аляксандр Смірноў.

Раней у аўторак ён паведаміў на сваёй старонцы ў Facebook, што ратавальнікі пачалі аперацыю па спуску целаў двух загінулых альпіністаў, пошукі трэцяга працягваюцца.

«Два целы сёння верталётам былі спушчаныя з гары, дастаўленыя ў Сары-Таш. Сёння да вечара яны прыедуць ужо ў Ош на апазнанне», — заявіў Смірноў тэлеканалу «Намад ТБ».

Паводле яго слоў, пошукі цела трэцяга альпініста з групы будуць працягвацца да таго часу, «пакуль будзе надзея яго знайсці».

Апазнанне цел загінулых на піку Курумды ў Кыргызстане двух альпіністаў прызначана на бліжэйшы чацвер, пра гэта расказаў старшыня Беларускай федэрацыі альпінізму і скалалажання Аляксандр Гадлеўскі, паведамляе Sputnik.

«Целы сёння дастаўлены ў горад Ош, апазнанне прызначана на бліжэйшы чацвер», — сказаў ён.
Гадлеўскі раней паведаміў, што жонка аднаго з беларускіх альпіністаў, якія загінулі на піку Курумды, накіроўваецца ў горад Ош у Кыргызстане.