Сваякі апазналі целы загінулых на піку Курумды альпіністаў, паведамляюць СМІ Кыргызстана са спасылкай на УУС Ошскай вобласці.

Апазнанне праходзіла ў моргу горада Ош у Кыргызстане, куды ратавальнікі спусцілі два целы альпіністаў, загінулых у жніўні.

Ва УУС удакладнілі, што адзін з апазнаных — беларус Максім Палянскі, другі — грамадзянін Літвы Сяргей Рубцоў.

«Абодва целы знаходзяцца ў моргу Оша. Іх адправяць на радзіму», — расказалі ва УУС.

Цела трэцяга ўдзельніка ўзыходжання на пік Курумды — беларуса Мікалая Свірыдава — пакуль застаецца ў гарах, бо пошукі спынілі з-за небяспекі для жыццяў ратавальнікаў.