У Беларусі 31 сакавіка будзе воблачна з праясненнямі. На большай частцы тэрыторыі краіны пройдуць дажджы, днём па паўднёвым усходзе магчымыя навальніцы. У начныя і ранішнія гадзіны ў асобных раёнах чакаецца слабы туман. Вецер ноччу будзе паўночны 3-8 м/с, днём — 5-10 м/с, месцамі з парывамі да 14 м/с. 

Тэмпература паветра ўначы складзе 3-9 градусаў цяпла. Удзень будзе ад плюс 8 градусаў па захадзе да плюс 18 градусаў па ўсходзе.