Ці браць сёння з сабой парасон, расказалі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння будзе воблачна з праясненнямі. На большай частцы тэрыторыі краіны пройдуць кароткачасовыя дажджы, месцамі навальніцы. Вецер прагназуецца паўднёвы з пераходам на заходні 5-10 м/с, месцамі з парывамі 15-18 м/с.
Тэмпература паветра складзе ад плюс 16 па паўночным захадзе да 30 градусаў гарачыні па паўднёвым усходзе. Па захадзе аб’яўлены аранжавы ўзровень небяспекі з-за рэзкай змены ўмоў надвор’я ў бок пахаладання.
