— У Расіі са жніўня 2024 года ў Законе аб інфармацыі з’явілася норма, якая абавязвае карыстальнікаў, якія маюць у сацсетках аўдыторыю больш за 10 тысяч падпісчыкаў, рэгістравацца ў Раскамнаглядзе. Ці чакае такі абавязак беларускіх блогераў? І ці будзе гэта Мінінфарм?

Адказ міністра:

— Давайце адкажу проста, без юрыдычных вынаходстваў. У Расіі павінны рэгістравацца не толькі блогеры — фізасобы, але і ІП, і кампаніі, у якіх на любой платформе ёсць звыш 10 тысяч падпісчыкаў. Больш за тое, Раскамнагляд можа запатрабаваць абмежаваць доступ да старонкі блогера, які не прайшоў рэгістрацыю. І адначасова забараніць рэпост інфармацыі з незарэгістраваных старонак для звычайных карыстальнікаў.

У Беларусі такой прамой нормы сёння няма. Ёсць нормы ў заканадаўстве аб рэкламе, якія прадугледжваюць, што ІП і юрыдычныя асобы, якія размяшчаюць рэкламу на сваіх рэсурсах, абавязаны зарэгістравацца ў спецыяльным рэестры рэкламараспаўсюджвальнікаў, які вядзе МАРГ. Інакш можа ўзнікнуць адміністрацыйная адказнасць у выглядзе штрафу. Іншых абмежаванняў, падобных расійскім, у нас няма.

Простымі словамі, нават калі ў цябе пара падпісчыкаў, але ты рэкламуеш нешта, — будзь ласкавы, — у рэестр. І ў той жа час, калі ў цябе 100 тысяч падпісчыкаў, але рэкламы на пляцоўцы няма, — абавязку рэгістравацца ў МАРГу ў цябе таксама няма. Ці лагічна гэта — не думаю. Як зрабіць лагічней — трэба думаць разам з зацікаўленымі, у тым ліку і блогерамі.