Ён паведаміў, што Гродзенская вобласць для датэрміновага галасавання па выбарах Прэзідэнта гатова. Выбарчая кампанія выходзіць на фінішную прамую. Датэрміновае галасаванне пачнецца 21 студзеня і працягнецца па 25 студзеня. У гэты перыяд яшчэ магчыма агітацыя, кандыдатам дазваляецца праводзіць мітынгі пікеты, сустракацца з выбаршчыкамі.

Старшыня абласной камісіі зазначыў, што на сённяшні дзень праведзены трэнінгі з усімі без выключэння ўчастковымі камісіямі. Разыгрываліся рознага роду сітуацыі, якія маглі ўзнікнуць і калісьці адбываліся. Распрацавана арганізацыя галасавання, расстаноўка сталоў, скрыняў для галасавання, іх колькасць. Ідзе падрыхтоўка памяшканняў для галасавання ў асноўны дзень, для датэрміновага яны гатовы. На участкі ў поўным аб’ёме паступілі бюлетэні для галасавання. 

— Колькасць участкаў скарацілася., між тым у самім абласным цэнтры іх стала больш на шэсць з-за развіцця новых мікрараёнаў. Усяго ў вобласці амаль 590 участкаў, з іх 35 закрытых, якія функцыянуюць у медыцынскіх установах, аздараўленчых базах. Таксама ў Гродне па вуліцы Ажэшка, 22, на участку № 14 будуць галасаваць асобы, якія стаяць на консульскім уліку і пастаянна пражываюць за межамі Беларусі. А вось за межамі краіны выбарчыя ўчасткі не будуць створаны, — паведаміў Віктар Хлябіч.

Таксма ён звярнуў увагу на такую асаблівасць. Гродна — адзіны рэгіён, дзе ў адным памяшканні размешчана адразу шэсць участкаў. Між тым, прадугледжаны ўсе магчымасці, каб раздзяліць патокі гараджан і кожны ведаў, куды яму ісці. Усім выбаршчыкам дастаўлены ўведамленні аб месцы галасавання і тэрміну. Прадугледжаны сувеніры для тых, хто прыйдзе на ўчасткі ўпершыню. У Гродзенскай вобласці гэта 9,5 тысяч маладых людзей. 

Працягнецца практыка працы участкаў без перапынку падчас датэрміновага галасавання. 

— У нас апрабавана практыка, калі на ўчастках для галасавання ўчастковая камісія працуе з 12 да 19 гадзін без перапынку. Гэта патрабаванне змененага Выбарчага кодэкса, што станоўча ўспрынята як выбаршчыкамі, так і самім камісіямі. Гэта зручна, калі няма перапынку на участках. Такі парадак захаваецца і зараз, — расказаў старшыня камісіі. 

Тыя асобы, якія не могуць прыйсці і прагаласаваць у гэты перыяд, могуць зрабіць заяўку ў пісьмовай альбо вуснай форме і праінфармаваць камісію. У гэтым выпадку будзе арганізавана галасаванне па месцы іх знаходжання. Пры гэтым неабавязкова ўказваць прычыны, па якіх чалавек не можа прыйсці на участак для галасавання. Такая заяўка можа быць пададзена і ў дзень галасавання, але не пазней за 18 гадзін. Для жыхароў аддаленых вёсак будзе арганізаваны падвоз выбаршчыкаў да месцаў галасавання. 

Улічваюцца і патрэбы асобаў з абмежаванымі магчымасцямі. Напрыклад, для інвалідаў па зроку прадугледжаны спеыяльныя трафарэты.. Будзе арганізавана дапамога валанцёрскіх атрадаў. 

У цэлым кампанію можна назваць макісмальна празрыстай, падкрэсліў Віктар Хлябіч. Яна праходзіць пад пільнай увагай як міжнародных, так і ўнутраных назіральнікаў. Аб гэтым сведчыць і такі факт. На 6,5 членаў выбарчых камісій вобласці прыходзіцца 5,5 тысяч назіральнікаў.

Фота аўтара