«Па стане на 10 жніўня на рэках краіны адбываецца спад узроўняў вады з сутачнай інтэнсіўнасцю 1-20 см. Толькі на Заходняй Дзвіне каля гарадскога пасёлка Сураж, Віліі на ўчастку Сцешыцы — Вілейка, прытоку Дняпра — рацэ Друць і на прытоку Бярэзіны — рацэ Свіслач назіраецца рост узроўняў вады з інтэнсіўнасцю ў асноўным 1-5 см за суткі. На прытоку Нёмана — рацэ Рось каля вёскі Студзянец узровень вады перавышае адзнаку выхаду вады на пойму. На Заходняй Дзвіне каля Віцебска, Нёмане каля Гродна, Дняпра каля Магілёва, Жлобіна, Рэчыцы і гарадскога пасёлка Лоеў, Бярэзіне каля Бабруйска і Светлагорска, Сожы каля Крычава, Слаўгарада і Гомеля, Прыпяці каля вёскі Чэрнічы і Мазыра ўзроўні вады знаходзяцца ніжэй за адзнакі, якія лімітуюць суднаходства», — звярнулі ўвагу ў Белгідрамеце.

Тэмпература вады ў рэках складае ад 14 да 25 градусаў, у іншых вадаёмах — ад 20 да 24 градусаў.

Па прагнозах гідролагаў, у бліжэйшыя дні на рэках краіны будзе адзначацца ў асноўным спад узроўняў вады.