Ці мае ўладальнік кватэры права прыходзіць да арандатараў без папярэджання? На гэтае пытанне адказала адвакат спецыялізаванай юрыдычнай кансультацыі № 2 Мінскай гарадской калегіі адвакатаў Юлія Епіхава ў эфіры тэлеканала АНТ, піша sb.by.
Па словах Юліі, калі ўласнік здае кватэру, гэта яшчэ не азначае, што ён можа ў любы час заходзіць у яе без дазволу арандатара:
— Па дагаворы найму жылое памяшканне перадаецца наймальніку ў валоданне і карыстанне. Таму на перыяд дзеяння дагавора наймальнік мае права на недатыкальнасць гэтага памяшкання, нават калі ўласнікам кватэры застаецца іншая асоба. Таму ўласнік, як правіла, павінен загадзя ўзгадніць з наймальнікам наведванне кватэры, — расказала Юлія Епіхава.
Прапішыце ўмовы загадзя.
Адвакат падкрэсліла, што самастойна адкрываць дзверы сваім ключом і заходзіць без згоды арандатара ўладальнік кватэры ў перыяд дзеяння дагавора не мае права.
Выключэнне складаюць прадугледжаныя законам падставы для доступу: аварыя, пагроза прычынення шкоды кватэры або іншым асобам, а таксама выпадкі, прама прадугледжаныя заканадаўствам або дагаворам.
У заключэнне спецыяліст дала арандатарам параду загадзя прапісаць у дагаворы найму ўмовы доступу ўласніка ў кватэру. Напрыклад, з папярэднім паведамленнем і ва ўзгоднены час.
