Гэтае пытанне — адно з частых, што задаюцца землекарыстальнікамі. «Кароткі адказ: так, можна. Але толькі ў строга ўстаноўленым парадку — праз працэдуру змянення мэтавага прызначэння ўчастка», — адзначылі ў камітэце.

Згодна з арт. 85 Кодэкса аб зямлі, выкарыстоўваць участак і размешчаныя на ім аб’екты неабходна выключна па мэтавым прызначэнні. Любое адхіленне — парушэнне, якое пагражае адміністрацыйнай адказнасцю.

У камітэце таксама расказалі аб нюансах працэдуры. Калі змена прызначэння патрэбна для будаўніцтва — рашэнне прымаецца адначасова з дазволам на праектна-пошукавыя работы і будаўніцтва. Падзяліць гэтыя этапы нельга. Спатрэбіцца заява і камплект дакументаў па патрабаваннях, якія прапісаны ў п. 26 Палажэння аб парадку дзялення, зліцця і змянення прызначэння зямельных участкаў (пастанова Савета Міністраў ад 13 студзеня 2023 года № 32). Пасля прыняцця станоўчага рашэння неабходна зарэгістраваць змяненне ў тэрытарыяльнай арганізацыі па дзяржаўнай рэгістрацыі.

«Змена мэтавага прызначэння — гэта афіцыйная юрыдычная працэдура. Самавольна дапоўніць прызначэнне або выкарыстоўваць участак не па мэтавым прызначэнні нельга. Гэта можа закончыцца штрафамі і судовымі разборамі», — падкрэслілі спецыялісты.