У Міністэрстве працы і сацыяльнай абароны далі сцвярджальны адказ на гэта пытанне. Але ёсць важная ўмова: трэба адмовіцца ад атрымання пенсіі на час працы. У гэтым выпадку вам не толькі зробяць пераразлік, але і дададуць бонусы за «адкладзены» выхад на пенсію.
Як растуць выплаты? Чым даўжэй адкладаеце атрыманне пенсіі, тым вышэй прыбаўка. Калі чалавек дасягнуў пенсіённага ўзросту і адмаўляецца ад атрымання пенсіі ў перыяд працы, будуць налічаны дадатковыя бонусы, так званае павышэнне пенсіі за адкладзены выхад на пенсію. Вось гэтыя бонусы вылічаюцца ў залежнасці ад таго, на які перыяд адмовіўся пенсіянер ад атрымання пенсіі. Так, за адзін год адмовы можна павялічыць пенсію на 6 %, за два гады плюс яшчэ на 8 %, за тры гады на 10 % і гэтак далей.
У выніку за пяць гадоў адмовы ад прызначэння пенсіі можна павялічыць памер пенсіі ў 1,8 раза.
