Ці можна ў Беларусі пакінуць спадчыну сабаку або адпісваць камусьці свайго гадаванца — адказ на незвычайнае пытанне агучыла натарыус Гомельскай натарыяльнай акругі Ганна Макарава. Пра гэта паведамляе «Мінская Праўда».
Каго могуць прызнаваць спадчыннікам
Згодна з грамадзянскім заканадаўствам, спадчыннікамі па завяшчанні выступаюць толькі грамадзяне, юрыдычныя асобы, Рэспубліка Беларусь і адміністрацыйна-тэрытарыяльныя адзінкі. Па законе — выключна фізічныя асобы.
Жывёлы не маюць грамадзянскіх правоў, таму не могуць атрымаць у спадчыну маёмасць.
Як паклапаціцца пра гадаванца
А адпісваць саму жывёліну цалкам магчыма — дастаткова ўказаць у дакуменце канкрэтнага чалавека, якому перадаецца гадаванец.
Яшчэ адзін варыянт — завяшчанне з ускладаннем: спадчынніку даюць даручэнне забяспечваць догляд, нагляд і ўтрыманне жывёлы пасля смерці ўладальніка.
