Апошні раз такія спарадкаваныя паўфіналы ў жаночым тэнісе сустракаліся на Уімблдоне 2009 года. Тады Дзінара Сафіна, Серэна Уільямс, Вінус Уільямс і Алена Дзяменцьева, чатыры першыя ракеткі лонданскага турніру, дайшлі да паўфіналу.

Арына Сабаленка, Алена Рыбакіна, Джэсіка Пегула і Коры Гаўф у ноч на 11 верасня могуць забяспечыць сабе месца ў фінале. У 2.00 па Мінску згуляюць Сабаленка і Пегула. Усё яшчэ першая ракетка турніру будзе імкнуцца зрабіць яшчэ адзін крок да трэцяга запар тытулу ў Нью-Ёрку, у той час як амерыканка трэці раз запар выйдзе ў паўфінал на гэтай арэне. Чакаецца напружаны матч паміж дзвюма тэнісісткамі, якія добра ведаюць адна адну і ўжо правялі мноства захапляльных паядынкаў.

Беларуска вядзе ў асабістых сустрэчах 9:4. Пры гэтым у апошніх чатырох матчах лік 2:2. На хардзе яны сустракаліся 9 разоў, і Сабаленка тут вядзе — 6:3.

Менавіта Сабаленка апошнія два гады абыгрывала Пегула ў Нью-Ёрку — у фінале ў 2024-м і паўфінале ў 2025-м.

Сама беларуска тры разы запар гуляла ў фінале амерыканскага першынства: у 2023 годзе яна саступіла Коры Гаўф, а ў двух наступных вырашальных паядынках перамагла яшчэ дзвюх прадстаўніц ЗША — Джэсіку Пегула і Аманду Анісімаву.

У найгоршым выпадку Сабаленка можа стаць нават 4-й у рэйтынгу WTA

Арыны Сабаленка знаходзілася на вяршыні рэйтынгу больш за 100 тыдняў. Зрэшты, другое месца ў рэйтынгу WTA услед за Аленай Рыбакінай — яшчэ не самы горшы расклад для беларускі.

Казахстанская тэнісістка дэбютуе ў новай якасці 14 верасня, калі афіцыйна абновіцца сусветны рэйтынг. Сабаленка ж пажадана пацвярджаць свае 2000 ачкоў з мінулага года, інакш яе могуць абысці абедзве амерыканкі. Для гэтага трэба, каб у фінале сышліся Коры Гаўф і Джэсіка Пегула. Каб не дапусціць гэтага бліжэйшай ноччу ад Арыны чакаем толькі перамогі. Тады і вяртацца на вяршыню будзе прасцей.

Заключны ў сёлетнім сезоне турнір «Вялікага шлема», Адкрыты чэмпіянат ЗША, праходзіць з 30 жніўня па 12 верасня 2026 года.