У ведамстве ўдакладнілі, што час навучання на дзённым аддзяленні ўключаецца ў агульны працоўны стаж, аднак не залічваецца ў страхавы стаж. У той жа час адпрацоўка па размеркаванні ўключаецца ў страхавы стаж, бо гэта афіцыйнае працаўладкаванне з заключэннем працоўнага дагавора (кантракта) і выплатай абавязковых страхавых узносаў у ФСАН.

У Мінпрацы нагадалі, што для атрымання пенсіі па ўзросце ўлічваецца некалькі ключавых умоў. Для мужчын агульны стаж працы павінен складаць не менш за 25 гадоў, для жанчын — 20 гадоў. Акрамя таго, пенсіённы ўзрост устаноўлены на ўзроўні 63 гадоў для мужчын і 58 гадоў для жанчын. Важна таксама мець мінімальны страхавы стаж, які павінен складаць не менш за 20 гадоў, — гэта перыяд, калі за грамадзяніна выплачваліся ўзносы ў ФСАН.