Нягледзячы на ўкараненне сістэмы «Электронная школа», свабодна карыстацца смартфонамі на працягу навучальнага дня школьнікі не змогуць.

«Школа — тэрыторыя без мабільнага тэлефона», — адзначылі ў ведамстве.

Прыходзячы ва ўстанову адукацыі, навучэнцы, як і раней, павінны будуць пакідаць тэлефоны ў спецыяльна адведзеных ячэйках.

Выключэнне прадугледжанае для ўрокаў, калі выкарыстанне смартфона неабходнае настаўніку для арганізацыі адукацыйнага працэсу.

У Міністэрстве адукацыі таксама растлумачылі, што для прагляду раскладу тэлефон у школе не патрэбны: актуальная інфармацыя размяшчаецца на адпаведных стэндах.

У ведамстве дадалі, што ад бацькоў наконт дзейных абмежаванняў паступаюць станоўчыя водгукі, а школьнікі ўжо прывыклі да ўстаноўленага парадку.