Кастрычнік парадаваў нас не толькі адносна нядрэнным надвор’ем, прэм’ерамі фільмаў/серыялаў і моднымі трэндамі, але і салодкімі навінкамі ад мясцовых вытворцаў.
Склалі падборку самых цікавых «смакаў», якія залятаюць з гарбатай на ўра, а з кавай і тым больш. Захоўвайце і шукайце ў магазінах вашага горада. І не забудзьцеся ўпісаць у свой КБТВ, расказала Tochka.by
Трубачкі з карамеллю ад «Витьбы»
Вафельныя трубачкі з карамельным джэмам спадабаюцца сапраўдным ласунам. Хрумсткія і «са смакам дзяцінства». А калі вы не ўжываеце цукры, то прыгледзьцеся да іншых навінак — вафель і трубачак з лінейкі Super Milk. У складзе шмат бялку.
Цукеркі з малінай і кактусам ад «Коммунарка»
Не проста саладосць, а сапраўдная знаходка. Корпус з малочнага шакаладу, вадкае начынне накшталт жэле і экзатычнае спалучэнне смакаў. Нам падабаецца!
Сырок з салёнай карамеллю ад «Савушкина продукта»
Сырок «Топ» б’е рэкорды па варыяцыйнасці сваёй лінейкі. Чарговая навінка спадабаецца аматарам бялковых дэсертаў, якія не вызначыліся паміж салодкім і салёным. Тут усё ў балансе і на трох узроўнях: глазура, тварожная аснова і начынне.
Міні-халва ад «Красного пищевика»
Яшчэ адна навінка ў свеце беларускіх прысмакаў, якая быццам і не навінка: халва з какавы, але толькі ў фармаце міні. Падыдзе для тых, хто абмяжоўвае сябе ў салодкім ці не можа здужаць цэлы батончык «усходняга» ласунку.
