«Тэхналогія кладкі асфальтабетоннага пакрыцця — пытанне досыць складанае. Каб яго абкласці якасна, неабходна выконваць пэўны тэмпературны рэжым. Маніторым прагноз надвор’я. Мінулай ноччу было дастаткова цёпла, таму было прынята рашэнне ўкладваць асфальт», — растлумачылі ў Брэсцкім гарвыканкаме. Так рана ў абласным цэнтры яшчэ не праводзілі начное асфальтаванне. Галоўная ўмова — тэмпература.

Так, у ноч з 15 на 16 красавіка работнікі дарожна-эксплуатацыйнага прадпрыемства працавалі на адной з асноўных магістраляў Брэста-Варшаўскай шашы. У гэты час было задзейнічана 12 адзінак тэхнікі, брыгада з 20 чалавек. Да пачатку ажыўленага руху раніцай спецыялісты паклалі звыш 3 тыс. кв. м асфальту.