Туман і замаразкі да мінус 5 градусаў прагназуюць сіноптыкі 21 кастрычніка. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У Беларусі будзе воблачна з праясненнямі. Пераважна без ападкаў. Уначы і раніцай у асобных раёнах чакаецца туман. Вецер ноччу будзе няўстойлівы слабы, днём паўднёва-ўсходні 3—8 м/с.
Тэмпература паветра ноччу складзе ад мінус 5 градусаў па паўночным захадзе да плюс 6 градусаў па паўднёвым усходзе, днём — 6—12 градусаў вышэй за нуль.
