— Як ні парадаксальна, але ў ХХІ стагоддзі па-ранейшаму даводзіцца казаць аб харчовай бяспецы ў свеце, — звярнуў увагу Аляксандр Турчын. Змяненне кліматычных умоў, рэзкія ваганні цэн, рэгіянальныя канфлікты, а часам і звычайны недахоп тых ці іншых прадуктаў, выступаюць як пагроза стабільнасці доступу насельніцтва да якаснай і бяспечнай харчовай прадукцыі.

Паводле яго слоў, у ЕАЭС узровень забяспечанасці харчаваннем складае больш за 90 працэнтаў:

— Для збалансаванага развіцця агульных рынкаў выбудавана работа па прагназаванні развіцця АПК, уключаючы балансы попыту і прапановы па асноўных сельскагаспадарчых таварах.

Прэм’ер-міністр адзначыў, што для мінімізацыі пагроз бакам варта падумаць над стварэннем у саюзе сістэмных інструментаў падтрымкі стабільнасці харчовых рынкаў: 

— Спадзяюся, у найбліжэйшы час мы запусцім механізм фінансавай падтрымкі сумесных кааперацыйных праектаў і гэтай сферы. 

На яго думку, у полі зроку павінны заставацца і такія пытанні, як фарміраванне агульных падыходаў да навуковай і інавацыйнай дзейнасці, актывізацыі супрацоўніцтва ў сферы лічбавай трансфармацыі аграпрамысловага комплексу.