У перыяд распродажу «618», які ўжо ў самым разгары, брэнд «Ясяацы» адмовіўся ад правядзення прамых эфіраў і часова прыпыніў анлайн-продажы, паколькі попыт на яго вырабы значна перавышае аб’ёмы вытворчасці. Сузаснавальнік маркі Хэ Цзілян нават адхіліў новыя замовы замежных кліентаў. Прычына простая: за брэндам лічыцца «доўг» у 10 з лішнім тысяч вырабаў. Майстрыхам спатрэбіцца не менш за тры месяцы інтэнсіўнай работы, каб закрыць гэтыя заказы.

У маі «тыгравая сумачка» коштам 338 юаняў літаральна ўзарвала інтэрнэт: за адну ноч увесь тавар быў распрададзены. Хваля небывалага попыту як у Кітаі, так і за мяжой перакінулася і на іншыя тавары брэнда — шапачкі ў тым жа стылі, заплечнікі і ахоўныя шлемы.

«Спяшацца няма куды», — кажа Хэ Цзілян. Аб’ёмную канструкцыю вырабаў немагчыма прагнаць на машыне: трохмерны гафт, абрэзкавае шыццё, фінальная зборка — на адну сумачку ідзе каля тыдня ручной працы.

Лю Лінцын — першая майстрыха брэнда і настаўнік усёй каманды. «З нуля — не страшна. Галоўнае — цярпенне. Спешка тут не памагаты: калі павольна робіш, то ўсё добра выходзіць», — дзеліцца яна.

На «Ясяацы» працуюць больш за 300 майстрых. Многія з іх — маладыя мамы і сельскія жыхаркі, якія не могуць з’ехаць на заробкі ў буйныя гарады. Менавіта іх рукамі ствараюцца вырабы, якія пастаўляюцца па ўсім свеце.

Доу Ханьфэй — адна з гэтых майстрых. «У кожны выраб трэба ўкладваць душу», — перакананая жанчына. Праца побач з домам прыносіць ёй каля 5 тысяч юаняў у месяц. «Гэта значна лепш, чым з’язджаць на заробкі. Самае важнае — займацца любімай справай», — кажа яна.

Пры падтрымцы мясцовай федэрацыі жанчын брэнд актыўна прыцягвае новых майстрых, што дазваляе не толькі спраўляцца з патокам заказаў, але і павялічваць даходы ўсё большай колькасці сельскіх жыхарак.