Асаблівым падарункам для Гомельшчыны стала выступленне заслужанага калектыву Рэспублікі Беларусь «Беларускі дзяржаўны ансамбль «Песняры».

Выступленні падрыхтавалі і найлепшыя калектывы і выканаўцы Гомельшчыны. Не проста нумары, а цэлыя музычныя гісторыі на сцэне прадставілі салісты і творчыя калектывы рэгіёна. 

У завяршэнні святочнага канцэрта Гомель тысячамі галасоў падхапіў самую знакамітую песню пра 9 Мая — «Дзень Перамогі» — сімвал пераможнага мая 1945-га і народнай памяці аб бяссмертным подзвігу герояў Вялікай Айчыннай вайны. 

Так Гомельшчына разам з усёй краінай падтрымала акцыю «Праспяваем „Дзень Перамогі“ разам!». Фінальным акордам мерапрыемстваў з нагоды 81-й гадавіны Вялікай Перамогі стаў святочны салют.

Наталля КАПРЫЛЕНКА