На сваім сайце youX паведаміла аб выяўленні «несанкцыянаванага доступу да сістэм кампаніі». «Нам вядома, што зламыснік ужо апублікаваў даныя, якія, па яго сцвярджэнні, былі атрыманы ў выніку гэтага ўзлому, і мы ўстанавілі, што асабістая інфармацыя кліентаў была скампраметавана», — адзначаецца ў заяве.

У матэрыяле гаворыцца, што хакеры атрымалі доступ да асабістых даных больш як 440 тыс. чалавек, у тым ліку іх поўных імёнаў і нумароў тэлефонаў. Таксама былі выкрадзены дакладныя адрасы 607 тыс. кліентаў youX, копіі пасведчанняў кіроўцы (у Аўстраліі яны могуць выкарыстоўвацца як пасведчанні асобы) 229 тыс. чалавек, а таксама запоўненыя анкеты і заяўкі на атрыманне крэдыту 629 тыс. аўстралійцаў. Акрамя таго, былі ўзламаны базы даных з інфармацыяй, якая належыць 797 брокерскім арганізацыям і 90 крамам і маркетплэйсам.

У кампаніі паведамілі, што яны супрацоўнічаюць з дзяржаўнымі структурамі, якія рэгулююць інтэрнэт-прастору, а таксама ўвялі дадатковыя меры бяспекі і маніторынг ва ўсіх сваіх сістэмах і працуюць над паляпшэннем мер рэагавання.