Як паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, 13 мая ўмовы надвор’я ў Беларусі будуць вызначаць халодныя няўстойлівыя паветраныя масы і малаактыўныя франтальныя раздзелы, якія ссоўваюцца з боку паўночных шырот.
Чакаецца воблачнае з праясненнямі надвор’е. Ноччу месцамі, днём у многіх раёнах рэспублікі пройдуць кароткачасовыя дажджы. Уначы і раніцай у асобных раёнах краіны будзе згушчацца слабы туман. Вецер паўночна-заходні ўмераны, удзень месцамі парывісты. Тэмпература паветра мінімальная ноччу ад плюс 1 да плюс 5 °С, на глебе месцамі чакаюцца замаразкі ад нуля да мінус 3 °С. Максімальная тэмпература паветра днём ад плюс 11 да плюс 17 °С, па паўночным усходзе краіны ад 9 да 10 °С са знакам плюс.
