Па выніках першага паўгоддзя колькасць перасячэнняў граніцы КНР у КПП міжнароднага аэрапорта Цяньшань горада Урумчы (адміністрацыйны цэнтр Сіньцзян-Уйгурскага аўтаномнага раёна, Паўночна-Заходні Кітай) склала каля 450 тысяч чалавек. Прырост паказчыка склаў 63,5 працэнта ў гадавым вылічэнні. Аб гэтым паведаміла адміністрацыя паветранай гавані, перадае «Сіньхуа».

За гэты перыяд праз аэрапорт Цяньшань было імпартавана і экспартавана 43 тысячы тон грузаў, што на 465 працэнтаў больш, чым за аналагічны перыяд мінулага года. За шэсць месяцаў гэтага года КПП абслужыў 3575 уязных і выязных пасажырскіх рэйсаў, што на 51 працэнт, чым годам раней. 

Зараз у аэрапорце функцыянуе 32 міжнародныя пасажырскія маршруты, якія злучаюць Урумчы з 27 гарадамі ў 19 краінах (у тым ліку і з Мінскам). У студзені-чэрвені супрацоўнікі мытнага пункта аэрапорта апрацавалі 2549 уваходных і выходных грузавых рэйсаў, што на 620 працэнтаў больш, чым годам раней. Агульны кошт імпартных і экспартных тавараў, якія прайшлі праз КПП аэрапорта, павялічыўся на 221,4 працэнта ў гадавым вылічэнні.

На сённяшні дзень на ўказаным пагранпераходзе дзейнічаюць 24 міжнародныя грузавыя маршруты, якія ахопліваюць ключавыя вузлавыя гарады Еўропы, а таксама Цэнтральнай і Заходняй Азіі.