На базе каледжа Міністэрства ўнутраных спраў Рэспублікі Беларусь адбылося спартыўнае свята для курсантаў першага курса ўстановы адукацыі «Акадэмія Міністэрства ўнутраных спраў Рэспублікі Беларусь» 2026 года. Адкрыў мерапрыемства начальнік Акадэміі МУС генерал-маёр міліцыі Аляксандр Астрэйка.
Удзельнікі спаборнічалі ў міні-футболе, валейболе, бегавой і комплекснай эстафетах, камандных скачках у даўжыню з месца, камандных скачках праз скакалку, перацягванні каната і іншых дысцыплінах.
За перыпетыямі спаборніцтваў з трыбун стадыёна эмацыянальна назіралі родныя і блізкія курсантаў, а найбольш энергічныя мамы і таты і самі ўзялі ўдзел у асобных відах спаборніцтваў.
Лаўры пераможцаў дасталіся камандзе факультэта крымінальнай міліцыі, другое месца заняла зборная следча-экспертнага факультэта, курсанты факультэта міліцыі грамадскай бяспекі заваявалі «бронзу».
Віктар Іванчыкаў
Фота: Віктар Іванчыкаў
