Гаворка ідзе пра дыптых з выявай інтэр’еру царквы, меркавана створаным галандскім мастаком Хендрыкам ван дэр Бургам. Карціну ўдалося ідэнтыфікаваць дэтэктыву па пошуку выкрадзеных твораў мастацтва Артуру Бранду. Як высветлілася, яе шмат гадоў захоўваў у склепе жыхар Амстэрдама Роберт ван дэр Хук. Са слоў мужчыны, ён заўважыў карціну ў кучы рэчаў, падрыхтаваных да вывазу камунальнымі службамі, забраў дадому і пакінуў у падвале на некалькі гадоў.

Пасля паведамленняў СМІ пра вяртанне іншай выкрадзенай працы з калекцыі Гудстыкера ван дэр Хук звязаўся з Артурам Брандам. Экспертыза пацвердзіла, што знойдзены дыптых сапраўды ўваходзіў у калекцыю арт-дылера. Карціна будзе вернута яго нашчадкам.

Гэта ўжо трэці твор з калекцыі Гудстыкера, выяўлены за апошні час. Раней Бранд знайшоў карціну «Партрэт маладой дзяўчыны» Таона Келдэра, а таксама была выяўленая праца «Партрэт дамы» італьянскага мастака Віторэ Гісландзі.

Жак Гудстыкер — адзін з найбуйнейшых нідэрландскіх арт-дылераў першай паловы XX стагоддзя. Да Другой сусветнай вайны ён валодаў адной з самых вядомых мастацкіх галерэй у Амстэрдаме і калекцыяй, якая налічвала больш за 1,3 тыс. твораў мастацтва. Пасля акупацыі Нідэрландаў Германіяй у 1940 годзе ўцёк з краіны і загінуў у дарозе. Калекцыя, якая засталася ў Нідэрландах, была разрабавана нацыстамі. Многія творы мастацтва шукаюць дагэтуль.