Урачы Архангельскай афтальмалагічнай бальніцы выцягнулі кляшча, які ўпіўся ў вока адпачывальніка на дачы, што з’яўляецца рэдкім выпадкам у афтальмалогіі, паведамляе РІА «Новости».

«Пацыент звярнуўся ў кабінет неадкладнай дапамогі Архангельскай клінічнай афтальмалагічнай бальніцы са скаргамі на рэзкі боль і іншароднае цела ў правым воку. Аказалася, падчас паездкі на дачу клешч трапіў у кан’юктывальную абалонку і прысмактаўся да яе», — паведамляецца на старонцы бальніцы ў сацсетцы «УКантакце».

Урачы пацвердзілі: выпадак для рэгіёна незвычайны. Галоўная складанасць выдалення крывасмока складалася ў анатамічнай далікатнасці органа зроку, бо кан’юктыва — гэта тонкая і вельмі інерваваная тканка. Клешч, прысмактаўшыся да яе, можа выклікаць не толькі механічнае раздражненне, але і інфіцыраванне.

Выдаленне крывасмока праводзілася пад мікраскопам з выкарыстаннем спецыяльных інструментаў і вельмі далікатна, каб не траўміраваць рагавіцу.
Такая аперацыя патрабуе дакладнасці хірурга і цярпення пацыента, якому правялі мясцовую анестэзію, пасля чаго клешч быў выдалены на працягу дзесяці хвілін. Усё прайшло паспяхова, без ускладненняў: зрок застаўся ранейшым, запалення не ўзнікла, адзначылі ў клініцы.

Для прафілактыкі пацыента накіравалі на дадатковае абследаванне да ўрача-інфекцыяніста для прыняцця спецыялістам рашэння аб неабходнасці імунапрафілактыкі.